Бауш: Државата не смее да биде партнер со потрошувачите и бизнисот , туку треба да биде арбитер , да носи фер одлуки кон сите страни
Владата носи популистички социјални мерки во од само за да ја смири систуацијата на кратко . Според економистите потребна е државна долгорочна стратегија наместо краткорочни мерки кои нема да ја подобрат економската слика и да го поттикнат економскиот раст . Економистите предупредуваат дека додека земјите во регионот развиваат стратегии и ја јакнат економијата , кај нас Владата како да не знае што да направи, па носи мерки кои само ќе купат социјален мир, а економски се непопуларни .
Овие мерки како да се навикнавме дека нема да дадат резултат, мерки кои за волја на вистината и претходно не дадоја поголем резултат . Ко некако да ја префрла вината централната вина кон бизнисот, а имајќи предвид дека цело време ги форсираа , се мешаа во компонентите на пазарот Оваа ситуација не може вака, со краткорочни мерки и нема да го дада резултатот , и овие се мерки кои директно влијаат врз пазарот , вели Професор Абил Бауш за Алфа .
Она што недостига во Македонија е да се вложува во капитални инвестиции и стратегија за раст на домашното производство . Наместо државата само да го вперува прстот кон еден или кон друг , треба да пресече и да не одбира страни , туку функционерите да седнат и да развијат стратегија за економски раст на среден и долг рок .
Државата не смее да биде партнер меѓу потрошувачите и бизнисот , туку треба да носи фер одлуки кон сите страни . Ние немаме стратегија за среднорочни цели . Ние сме држава кои не сме техничко технолошки развиени . Додека се расврламе со пари со некапитални инвестиции , би било подобро да инвестираме во капитални инвестиции , вели Бауш за Алфа .
После 2 месеци ценовен шок, вчера конечно Владата реши да најави некаква мерка . Се укинуваат акциите во маркетите и цените на прехранбените производи кои имаат 5 отсто ДДВ ќе бидат замрзнати од идната недела . Трговците ќе имаат обврска линеарно да ги намалат цените за 10 отсто.
Кристина Алексиеска
