Алфа ТВ продукција

Правила за програми со наградно учество и за телефонски услуги со додадена вредност

Согласно препораките на Агенцијата за аудио и аудиовизуелни услуги на Република Македонија, Алфа ТВ ги објавува правилата за своите за програми со наградно учество и за телефонски услуги со додадена вредност.

Опис, правила и награди во квизот на знаење и вештини „Арена“ 

ПРВА  ИГРА: ПРОНАЈДИ ГО ОДГОВОРОТ

Играат сите натпреварувачи истовремено.

Понудени се четири одговори од кои еден е точен. Секој натпреварувач бира одговор за кој мисли дека е точен.

За секој точен одговор во оваа игра натпреварувачите добиваат по 1 поен 

ВТОРА ИГРА: АСОЦИЈАЦИЈА

Почнува натпреварувачот на позиција бр.1

Секој натпреварувач прво отвара поле, а потоа има право да погодува т.е. Да се обиде да ја открие точната асоцијација на некоја од колоните или крајното решение. Доколку даде точен одговор натпреварувачот има право да продолжи да погодува.

Доколку натпреварувачот ја погоди колоната со едно отворено поле добива 4 поени

Доколку натпреварувачот ја погоди колоната со две отворени полиња добива 3 поени

Доколку натпреварувачот ја погоди колоната со три отворени полиња добива 2 поени

 

Согласно бројот на отворени решенија на колони за погодено главно решение натпреварувачот може да добие:

4 поени

6 поени

8 поени

10 поени

СЛАБА ТОЧКА                

Почнува натпреварувачот на позиција бр.1

Секој натпреварувач  одбира еден од противниците да одговара на прашање од темата која  тој ќе ја избере по случаен избор.

Натпреварувачот кој го бира прашањето добива(губи) 3 поени, доколку противникот кој што одговара не го знае(го знае) одговорот

Натпреварувачот кој одговара на прашањето прашањето добива 3 поени  доколку одговори точно на поставеното прашање,т.е. губи 3 поени доколку не го знае точниот одговор.

Во табелата има 20 прашања на четири теми. Натпреварувачот по случаен избор отвара една тема,а прашањето се отвара откако ќе го избере противникот кој ќе одговара на прашањето.

ЧЕТВРТА  ИГРА: НАЈДИ ГО ПАРОТ

Почнува натпреварувачот на позиција бр.1

Натпреварувачот кој е на ред отвара по две полиња од табелата со броеви од 1 до 32 во секоја табела. Доколку го спои соодветниот пар натпреварувачот е повторно на ред. Секој споен пар носи по 2 поени.

Целта на секој натпреварувач е да го погоди ликот кој се крие позади полињата со паровите.

Доколку натпреварувачот го погоди ликот , ги добива поените од сите неотворени полиња.

ПЕТТА  ИГРА: БРЗИ ПРСТИ

Натпреварувачите имаат на располагање 20 прашања. Одговараат по принцип на брзи прсти. За секој точен одговор натпреварувачот добива по 2 поени, а за неточен одговор губи 1 поени.

Доколку натпреварувачот кој ќе се јави да одговара прв на прашањето не го знае одговорот тогаш право на одговор има вториот натпреварувач, и така редоследно.

ИГРА СО ПУБЛИКА: ПРЕДИЗВИК

Среќниот добитник од публиката го предизвикува победникот на вечерта. Победникот со победата покрај учество во понатамошните натпревари добива и парична награда во вредност од 5000 ден., но под услов да одговори точно на сите десет прашања. Предизвикувачот од понудени 4 теми, бира една на која ќе одговара  победникот. Со секој неточен одговор на победникот предизвикувачот добива 10% т.е.500 ден. од паричната награда на победникот.

Дополнителни награди во квизот на знаење и вештини „Арена“

Организаторот на квизот на знаење и вештини „Арена“ обезбеди и 4 награди во ФИНАЛНАТА ЕМИСИЈА, која ги доделува спонзорот на наградите ТУ „Аурора“.

Наградите во ФИНАЛНАТА емисија се:

Една главна награда: CITY BREAK патување за две лица на една од европските дестинации, и

Три дополнителни награди: Викенд за двајца во Аурора Ресорт и Спа 5* комплекс во Берово на база на полупансион.


Организатори на квизот „Арена“

Студио Пегаз, и

Алфа ТВ