Црна хроника

Мигранти од Пакистан пронајдени во возило кај Стоби

Вкупно 25 илегални мигранти од Пакистан, од кои еден малолетен, се пронајдени утрово во товарно возило кај археолошкиот локалитет Стоби.

10.07.2018 14:54:09

Вкупно 25 илегални мигранти од Пакистан, од кои еден малолетен, се пронајдени утрово во товарно возило кај археолошкиот локалитет Стоби.

Како што соопшти МВР, утрово во пет часот полициски службеници се обиделе да го сопрат возилото „Рено Мастер" со скопски регистарски ознаки на стариот пат Неготино - Градско. Возачот застанал, но излегол од возилото и избегал.

Извршен е увид на местото на настанот. Возилото и мигрантите се предадени во Полициската станица Неготино за натамошна постапка. Се преземаат мерки за пронаоѓање на лицето кое го управувало возилото.