Спорт

Раул Гонзалез: Не беше лесно, но имавме контрола на играта

Нашите ракометари во баражот за Светското првенство ја елиминираа Романија и повторно ќе бидат дел од едно големо натпреварување.

13.06.2018 21:31:56

"Изгледа дека беше лесно, но верувајте дека не беше така. Постоеше притисок, но мислам дека ние во текот на целиот натпревар ја контролиравме ситуацијата. Добро почнавме, имавме убава предност на стартот, потоа се враќавме од негативата и не дозволивме неизвесен финиш. Тие влегуваа во серии, но тоа е нормално кога станува збор за селекција што нема што да загуби и реагира брзо во нападот. Знаевме дека ќе играат „седум на шест“, одговоривме на таа нивна игра, Борко бранеше добро и ја завршивме задачата што беше пред нас. Играчите се однесуваа супер, беа фокусирани кога беше најважно. Ние ќе играме на СП бидејќи бевме подобри од Романија, тоа е сигурно", изјави македонскиот селектор Раул Гонзалез.