Живот и стил

Готвачите препорачуваат: Никогаш не го чуваjте чоколадото во фрижидер

Кулинарскиот критичар и експерт за чоколадо, Лук Овен смета дека чоколадните производи никогаш не би требало да се чуваат во фрижидер.

21.02.2018 11:44:39

Кулинарскиот критичар и експерт за чоколадо, Лук Овен смета дека чоколадните производи никогаш не би требало да се чуваат во фрижидер.

Овен, кој инаку е сопственик на продавница за чоколади, вели дека таа секојдневна слатка намирница во фрижидерот „станува здодевна“ и „ги губи своите вкусови“.

Според него, чоколадото треба да се чува „на ладно, суво и темно место“. А, колку што ниските температури можат да влијаат на вкусот, толку и високите „влијаат на обликот“ на производот. Во таков случај, советот гласи - ставете го чоколадото во метална кутија, па тогаш во фрижидер.

Пред конзумирањето, треба да го оставиме неколку минути на собна температура.

Со тоа се согласуваат и експертите за безбедност на храната. Белинда Стјуарт Мунлајт го посочи примерот кога го вадиме чоколадото од фрижидер, моментната кондензација прави шеќерот да создаде „бела обвивка“, а вкусот на чоколадото е како да јадеме „остатоци од вчера“.

Нема сомнеж дека чоколадата се највкусни кога се јадат на собна температура, а како идеална се смета онаа меѓу 15 и 20 степени Целзиусови.