Спорт

Завршна фаза од подготовките за настап на ЕП

Македонската машка ракометна репрезентација и денеска има слободен ден, а веќе од утре го почнува завршниот дел од подготовките за настап на Европското првенство кое неделава почнува во Хрватска.

07.01.2018 14:14:34
По враќањето од Белград нашите ракометари поради Божиќните празници имаат уште еден слободен ден и веќе од утре ќе почнат со завршните тренинзи пред заминувањето за Загреб кое е предвидено на 12 јануари.

Пред паузата избраниците на Раул Гонзалез во Белград одиграа два контролни натпревари и во земјава се вратија со максимален учинок. Прво убедливо беше совладана селекцијата на Саудиска Арабија со 37:21 , а потоа следуваше и победа од 32:29 над репрезентацијата на Србија.

Во завршниот дел од тренинзите ќе се посвети внимание на тактичко-технички подготовки за противниците во првиот дел од натпреварувањето во кое ќе се соочиме со Словенија, Црна Гора и Германија.

Европското првенство почнува на 12 овој месец, а нашата селекција првиот настап го има ден подоцна и се среќаваме со Словенија.