Македонија

Пациентите со цистична фиброза молат за внимание – надлежните ги игнорираат

Проблем, велат има и со Центарот за цистична фиброза кој работи во склоп на Детската болница Козле. Откако новата Влада го промени раководството, болните останале на улица.

07.12.2017 17:46:19
Пациентите со цистична фиброза немоќни пред институциите. Лекови нема, а за да преживеат месечно трошат и по една просечна плата за да ја набават скапата терапија. На обичните антибиотици местото не им е во програмата за ретки болести – алармираат од Здружението за Цистична фиброза. Претседателката признава – и по отвореното писмо до премиерот надлежните се уште не игнорираат. 

Дополнителен трошок им се специфичните бактериски испитувања, кои не се прават во земјава. Секое семејство за да добие вакви наоди треба да испрати материјал во странски лаборатории. Проблем, велат има и со Центарот за цистична фиброза кој работи во склоп на Детската болница Козле. Откако новата Влада го промени раководството, болните останале на улица. 

Во 2014 година институциите пребројале над 124 болни со цистична фиброза. Лани бројката се намалила на 102. Минатиот месец поради нередовната терапија, битката со животот ја изгубиле двајца пациенти со ЦФ – 19 годишна девојка и 12 годишно момче. 

Биљана Божиновска