Свет

Сириската владина делегација се враќа на мировните преговори

Делегацијата на сириската Влада најави дека ќе учествува на продолжението на преговорите за ставање крај на граѓанската војна во Сирија, планирано за в недела во Женева.

07.12.2017 11:17:51

Делегацијата на сириската Влада најави дека ќе учествува на продолжението на преговорите за ставање крај на граѓанската војна во Сирија, планирано за в недела во Женева.

Сириската владина делегација се повлече од преговорите минатата недела, по што во нејзино отсуство, продолжија разговори меѓу сириските опозициски групи.

Едно од главните отворени прашања е инсистирањето на опозициските групи дека Асад не смее да игра каква било улога во транзицискиот период во Сирија, но претставниците на Дамаск во старт го отфрлија ова барање.

Владината делегација во петокот ги напушти разговорите во Женева, што се водат под покровителство на ОН, при што нејзиниот Башар ал Џафари нагласи дека таа веројатно нема да се вратат на преговорите во текот на оваа недела.

Специјалниот пратеник на ОН за Сирија, Стафан де Мистура минатата недела најави дека најновата рунда преговори меѓу сириските власти и опозицијата ќе продолжи до 15 декември.

Според Мистура, главни теми на продолжението на преговорите ќе бидат изработката на нов устав на Сирија и организирањето на претседателски и парламентарни избори под контрола на ОН.

Мистура нагласи дека на во текот на преговорите што почнаа минатиот втроник не било разгледувано прашањето за иднината на сирискиот претседател. 

Преговорите во Женева со водат со посредништво на Мистура, при што делегациите на сириската Влада и на опозицијата се сместени во различни простории во ист ходиник.

- Тие се уште не преговараа директно. Но, тоа не е најважно. Поважно е дека дискусиите се суштински, додаде пратеникот на ОН.

На оваа рунда преговори сириската опозиција првпат е претставена со единствена делегација, што, според аналитичарите, ја зголемува можноста за директни преговори меѓу двете страни во конфликтот.

 

SV.ZAKON

Од: ZAKONODAVEC

Време: 07.12.2017 19:15:23

Коментар: Mislenjeto svetsko e;; na bilo koj sostanok- vo vrska za reshavanjeto na Sirijskata vlada e;; Da uchestvuvaat samo=ON,RUSIJA,TURSKA,IRAN..? Shtoke mu opoziciona organizacia=koga taa e Amerikanska..? U stvari taa e taa shto beshe problemot celite 6 god.shto Sirijancite imaa problemot..Dobro i da bidaat opozicijata tuka=Tie bi trebalo samo da se isfrlat, od konferencijata za pregovorite so UN.. Rusite so drugite partneri-ja zavrshija celata rabota=shto baraat Amerikancite tamu= Pa chak i vojska ke stavale tamu..??