Живот и стил

Твитер двојно го зголемува бројот на карактери во пораките

По успешното тестирање Твитер одлучи двојно да ја зголеми максималната должина на пораките, односно од 140 на 280 карактери, соопшти американската компанија.

08.11.2017 11:09:48

По успешното тестирање Твитер одлучи двојно да ја зголеми максималната должина на пораките, односно од 140 на 280 карактери, соопшти американската компанија.

Веста претставува миниреволуција за социјалната мрежа, која спроведе тестирање во септември меѓу своите корисници.

- Наша цел е да го направиме тоа, а истовремено да ја гарантираме брзината и кратката содржина, кои се олицетворение на Твитер. По резултатите од тестирањето со задоволство соопштуваме дека ја постигнавме целта и ќе извршиме промена на сите јазици, каде лимитот од 140 карактери им отежнува на корисниците, напиша компанијата на својот налог на Твитер.

Продолжувањето на твитовите ќе се однесува само за пораките со латински букви, напоменува американската компанија, бидејќи лимитот од 140 знаци веројатно им претставува проблем пред се на корисниците кои пишуваат на англиски, шпански, португалски или француски јазик, за разлика од оние кои пишуваат на јапонски, корејски или кинески јазик.