Сцена

Мајкл Џексон - „најбогат“ меѓу починатите славни личности

И по осум години од смртта, американската поп ѕвезда Мајкл Џексон е „најбогат“ меѓу починатите славни личности. Тој веќе петта година се наоѓа на врвот од оваа листа од 13 имиња којашто ја објавува списанието „Форбс".

01.11.2017 12:25:43

И по осум години од смртта, американската поп ѕвезда Мајкл Џексон е „најбогат“ меѓу починатите славни личности. Тој веќе петта година се наоѓа на врвот од оваа листа од 13 имиња којашто ја објавува списанието „Форбс".

Пејачот само последнава година заработил 75 милиони долари, што се должи меѓу другото, и на објавувањето на албумот „Scream“ во септември.

Втор на листата е голферот Арнолд Палмер, кој почина минатата година, а „неговата“ заработка изнесува 40 милиони долари. 

На третото место е карикатуристот Чарлс Шулц, кој се прослави со серијата стрипови „Чарли Браун", а годишниот приход на негово име е 38 милиони долари.

Елвис Присли е четврти, со 35 милиони заработени благодарение на новиот забавен комплекс во Мемфис што го носи неговото име, и неодамна отворениот хотел.

Боб Марли е петти на листата, со 23 милиони долари заработка.