Свет

Еден загинат кога возило со голема брзина влета во група пешаци во Њујорк

Најмалку едно лице загина, а 12 други се повредени денеска кога возило, што се движело со голема брзина, удрило во група пешаци на плоштадот „Тајмс Сквер“ во центарот на Њујорк.

18.05.2017 18:53:03

Најмалку едно лице загина, а 12 други се повредени денеска кога возило, што се движело со голема брзина, удрило во група пешаци на плоштадот „Тајмс Сквер“ во центарот на Њујорк.

Според очевидци на настанот, возилото марка „Хонда Акорд“ намерно удрило во пешаците. Тие изјавија дека возилото преминало во спртивната лента од коловозот, по што се качило на тротораот и почнало да ги гази пешаците. 

Автомобилот потоа удрил во столб на тротоарот, по што полицајци го провеле возачот, чиј идентитет засега не е соопштен. 

Веднаш по инцидентот, американската полиција го блокираше реонот околу „Тајмс Сквер“.

Како што јави „Њујорк Тајмс“, претставник на противпожарната служба соопшти дека засега нема информации за состојбата на повредените лица.

Си-Ен-Ен информира дека при претресот на автомобилот во него не е пронајдена никаква експлозивна направа, па полицијата претпоставува дека не станува за терористички напад.