});

Расте бројот на загинати во пожарите во Грција (ВИДЕО)

Дополнително се зголеми бројот на загинати во пожарите што го зафатија источниот дел на областа Атика во Грција и според последното соопштение од грчката противпожарна служба, вкупно 82 лица го загубија животот.

И понатаму продолжува потрагата по исчезнати лица, но само во становите и куќите што се отворени.

– Потрагата за пронаоѓање на исчезнати лица продолжува со несмален интензитет со патроли кои пеш вршат контроли на отворени простори, автомобили, дворови на куќи, куќи кои што се целосно или делумно уништени во пожарот, но и во сите други простори каде што би можеле да се пронајдат луѓе. Во домовите што се заклучени и не е можен влез, за сега уште не е извршена контрола, вели Ставрула Малири портпаролката на противпожарната служба на Грција и потенцира дека потрагата нема да запре се додека не се проверат сите делови зафатени од пожарот.